É a historia dunha ruptura social, dunha filla atrapada entre dous mundos: o dos seus pais, proletarios, pouco instruidos, que gañan a vida co suor da súa fronte, e o dos burgueses, educados, con acceso á cultura, que gañan a vida sen engurrar o traxe. Existe unha fenda entre o que estes pais entregados merecen polos sacrificios feitos para criar á súa filla e o que esta nena é quen de darlles. Este desfase conleva unha grande culpa, da que deriva unha grande ira. Violencia da sociedade que conduce á violencia dos sentimentos. É urxente saír dese xugo. E a porta de saída é a educación, a universidade.